مفاتيح للوصول للخشوع في الصلاة

جنة الدنيا هي #الصلاة 🍥

ودي مفاتيح للوصول للخشوع في الصلاة: 👇👇

 

🔅1-#معرفة_الله :

هي أهم سبب للخشوع فلازم تعرف ربك الرحمن الرحيم الملك العزيز الجبار الخالق الرازق الحي القيوم لو عرفت ربنا بأسماءه وصفاته حق المعرفة مش هتخشع في الصلاة وبس بل هتخشع في حياتك كلها وهتراقب ربنا في جميع أعمالك وحياتك كلها هتتغير بإذن الله🌴

🔅2- #تحديد_الهدف : 

لازم تحط الخشوع كهدف قدامك في الصلاة وتجاهد نفسك علشان توصل له ... وكل ما تسرح على طوول تفتكر هدفك، وترجع تجاهد نفسك وشيطانك، وتركز من جديد

🔅3- #الخوف_من_ضياع_الثواب :

وعلشان الخشوع يبقي هدف قدامك؛ لازم تخاف على صلاتك وتعرف إن الخشوع هو روح الصلاة؛ وإن ثواب الصلاة على قدر الخشوع فيها !

🔅4- #الاستعداد_والتهيئة :

▫️تهيئة بدنية : بطهارة الجسم ولبس أحسن الثياب ..  

▫️تهيئة قلبية : حاول تحضر نفسك للصلاة من قبل الأذان ب 10 دقايق مثلاً تروح المسجد ..

👈وإنتي يا أختي تكوني قاعدة في مصلاكي في البيت ... 

#واستشعر إن العبد لا ينتظر إن سيده ينادي عليه علشان يروحله .. بل هو من اشتياقة وحبه وحسن خلقه اللي يبادر إليه، 

وكمان الاستعداء قبل وقت الصلاة هيخليك تلحق تردد الأذان والإقامة، وتلحق الصف الأول، وتكون فرغت قلبك من مشاغل الدنيا وهمومها .. وجهزته للدخول في الصلاة 

🔅5- #البداية_من_الوضوء:

ابدأ استعشر حلاوة الصلاة وافتكر إنك بتتغسل من ذنوبك كلها مع كل عضو بتغسله 

🔅6- #استحضر_عظمة_الملك : 

قبل ما تقول " الله أكبر " وتبدأ في الصلاة، افتكر أنته واقف قدام مين ؟؟ واستحضر عظمة ربنا في قلبك، وافتكر وقوفك للعرض على الله والحساب يوم القيامة 👌

🔅7-#ركز_في_كل_كلمة :

تدبر وتفكر بقلبك في كل كلمة بتقولها في الصلاة لااااااااااازم تركز في كل كلمة بتقولها، وتعرف معنى الكلام اللي بتقوله .. أصل الصلاة مش عبادة تمارين رياضية بتعملها وكلام بنردده وخلاص 🎗️

👈 عايزك تركز في التكبير ومع كل تكبيرة (الله أكبر ) استحضر معاني الله أكبر في قلبك وعييييش معاها 

▫️-ركز في دعاء الاستفتاح ومعناه والفاتحة وآياتها

▫️-ركز في القرآن اللي هتقرأه، وافهم وتدبر في الآيات اللي هتغير حياتك لو فهمتها 

▫️-ركز في أذكار الركوع والقيام والسجود والتشهد 

▫️-ركز في كل كلمة بتقولها في الصلاة لأن كل كلمة ليها معانيها وأحاسيسها اللي لو حسيت بيها ودخلت قلبك هتخليك خاشع ومستمتع ومتلذذ بالصلاة 

🔅8-#الفاتحة_لها_شأن_آخر :

لازم يكون لك وقفة مع سورة الفاتحة اللي بتقرأها في كل ركعة، لازم تقف عند نهاية كل آية، وانتظر واستشعر رد ملك الملوك عليك وعيش بقلبك وروحك الموقف ده 

🔅9-#التنويع_ثم_التنويع : 

📖 ورد عن النبي صل الله عليه وسلم أكثر من ذكر في أركان الصلاة، فلازم تنوع في الأذكار وسور القرآن علشان متملش من التكرار 

🔅10-#اسجد_واقترب :

افتكر وأنت ساجد إن أقرب ما يكون العبد من ربه وحبيبه وسيده وهو ساجد، والله لو حسيت المعني ده بجد قلبك هيدوب من الخشوع ! 

🔅11- #احترس_من_خنزب : 

شيطان الصلاة اسمه خنزب، أول ما تحس بوسوسته تعوذ بالله واتفل " هواء به قليل من الريق وليس بصاق" عن يسارك 3 مرات 

🔅12- #آخر_صلاة_لك : 

تخيل لو قولت لك إن باقيلك في الدنيا ربع ساعة وهتموت هسيبك تصلي فيهم ركعتين هتصليهم إزاي ؟ أكيد هتفتكر الموت والحساب وهتنسي الدنيا كلها، ما إنته خلاص هتموت وتسيبها، 

طيب ما هو إنته فعلاً مش ضامن إن أي صلاة بتصليها تكون آخر صلاة فحاول يكون ده إحساسك مع كل صلاة بتصليها .. 

🔅13- #الطمانينة:

لو صليت بسرعة مش هتحس بأي معني للصلاة فأنا عايزك تدي كل حركة في الصلاةحقها في القيام والقراءة والركوع والسجود والجلوس .. مش تستعجل ! 

🔅14- #لازم_تدريب :

لازم تدرب نفسك على الخشوع وأفضل مدرسة هتتدرب فيها هي مدرسه (قيام الليل ) .. قوم بالليل والناس نايمة وصلي ولو ركعتين واعصر عينك وحاول تبكي واستحضر قلبك، واتدرب على الطمأنينة في الصلاة، قول الأذكار بقلبك، واتفكر في معانيها، وطول في السجود والدعاء 

🔅15-#إدمان الاستغفار :

ليه بنقول إدمان؟ لأن كل معصية بتعمل نقطة سوداء على قلبك وبتكون طبقة صدا عليه، وده بيسبب قسوة قلبك وعدم خشوعه .. الإستغفار بيشيل كل السواد ده، ويكسر طبقة الصداء، ويخلي قلبك يرق ويلين للخشوع 

🔅16- #استعن_بالله: 

ادعي ربنا وألح في الدعاء إنه يرزقك متعة ولذة الخشوع وقول: اللهم إني أعوذ بك من عين لا تدمع، ومن قلب لا يخشع 

🌹بإذن الله لو بدأت 

في تنفيذ الخطوات دي، 

ومع المجاهدة والصبر، 

هتلاقي نفسك بدأت تحس بلذة الصلاة ...